siggavigga

FM Sigrún

2008-05-13T23:32:00.002Z

Eignaðist snilldardót um daginn sem heitir útvarpssendir! Ég get hlustað á tónlistina mína í þvílíkum víðómi. Í græjunum í stofunni, útvarpinu í eldhúsinu og útvarpinu inni á baði -allt í sömu andránni! Að ógleymdu bílútvarpinu sem fær engan frið fyrir litla dýrinu -Xið þarf ekki að spila nema eitt lag sem ég fíla ekki of vel og þá tekur FM Sigrún óhikað við. Þar sem ég hef óendanlega gaman að þessu og hef óyfirstíganlega góðan tónlistarsmekk, að eigin mati, fékk ég hugljómun: Af hverju ekki að leyfa fleirum að njóta og deila gleðinni með langdrægari sendi?! Tek hér með á móti uppástungum að bylgjulengd á lausu.

Útskrifuð!

2007-06-18T13:57:00.000Z

Hjúkrunarfræðings titillinn er í höfn! :D
Ég komst reyndar ekki á útskriftarathöfnina á laugardaginn en fékk brautskráningarskírteinið í hendur áðan og mitt fyrsta verk var að bruna niðrí Heilbrigðisráðuneyti til að sækja um starfsleyfi -eftir nokkurra daga skriffinsku ætti ég því að vera orðin löglegur hjúkrunarfræðingur ;)
Beta vinkona mín útskrifaðist líka á laugardaginn og er orðin félagsráðgjafi -hún hélt rokna garð-veislu með mat og drykk og harmonikkuspili og það besta var að allir voru samankominir, vinahópurinn og fjölskyldan hennar. Ég skemmti mér alveg konunglega en gat því miður ekki stoppað lengi -mér skildist þó að gleðin hafi verið við völd langt fram á nótt ;D

Bráðum!

2007-05-20T12:57:00.000Z

Brátt fer ég að skríða undan steini er kallast ritgerðargrýti. Nú er fyrirlestur í smíðum á rennibekk sem kallast kraftbendilssýningarforrit. Á miðvikudaginn performera ég fyrir þá sem vilja hlusta og að lokinni 10 mínútna tölu og 5 mínútna svitabaði yfir spurningum úr sal verður stærsti björninn unninn!
Við erum að tala um að það sést fyrir endann á þessu öllu saman -áður en langt um líður þá tek ég aftur fullan þátt í félagslífi og daglegum störfum.. sjáumst fljótlega ;)

Bíll og flugferð!

2007-05-03T18:22:00.000Z

Jú, orðið á götunni er rétt: Eftir að hafa hlustað á Harry Potter hljóðbækur alla vikuna (26 klst hingaðtil) á meðan ég sat sveitt yfir tölvunni að stimpla inn tölur fyrir lokaverkefnið mitt helltist yfir mig skemmtilegur spontant-fílingur sem einkenndi gærdaginn:
Sigrún keypti sér bláan bíl!! Þvílíkur draumur í dós að rúlla núna um allt í þessum líka fína vagni.
En ég lét ekki þar við sitja -eftir óvænta og skemmtilega símhringingu frá Ástu frænku dreif ég mig á internetið og bókaði flugferð til Köben í júlí til að eyða heilum fimm frænkudögum í hyggeligheitum og gleði!!!
Það ískrar í mér af ánægju að hugsa um bæði þessi snilldarkaup gærdagsins.. Það hjálpar við að dreifa huganum í lokaverkefnisstressi dauðans :S
Held að bjartsýni og tilhlökkun reddi málunum -wish me luck ;D

We have lift-off!

2007-04-26T12:16:00.000Z

YESS! Magasárið mitt skánaði til muna núna í morgun. Komst í samband við Landlæknisembættið og fæ líklegast að hefja gagnasöfnun fyrir rannsóknina strax á morgun!! Þar sem ég hef einungis 13 daga (9 virka daga) til að klára lokaverkefnið var ég orðin nokkuð á nálum yfir að vera ekki byrjuð!
It's gonna be a bright, bright sunshiny day

2007-04-24T21:33:00.000Z

Síðasta prófinu á þessu háskólastigi er lokið!
Skrítin og góð tilfinning -en núna eru framundan tvær vikur af gagnasöfnun og úrvinnslu á lokaverkefninu. Skiladagur er akkurat sama dag og forkeppni júróvisjón svo þá verður glatt á Sigrúnar-hjalla :D

Eldur eldur

2007-04-18T18:31:00.000Z

Á leið á kaffihúsastefnumót við Kötu mína beygir strætó af leið af Lækjargötu þar sem löggu- og slökkviliðsbílar blokka götuna og reykur yfir allt. Heyrðu, sá svo ekki betur en að Rósenberg, Café Ópera og Kebabhúsið væri brunnið í gegn! Heyrðist seinna á fréttum að Pravda væri dáið -þakið af og læti!
Hrædd um að aumingja endurnar á tjörninni eigi eftir að hósta frameftir kvöldi..

Nú er Rútur minn rauður..

2007-04-18T12:32:00.000Z

Ég er enn í skýjunum yfir yndislegri helgi, nú þremur dögum seinna!
Föstudagskvöldið var mjög velheppnað, hitaði upp með félagsráðgjafanemum í pizzu og bjór á Hressó áður en við Beta klufum okkur frá hópnum og mættum á NASA til að hlýða á Svíana þrjá. Maður kannaðist við næstum annaðhvert andlit áheyrenda, árgangur 82 og þar í kring virtist fjölmenna á pleisið ;) Snilld að hitta á fólk sem maður hefur lengi ætlað að tjekká.

En þetta var rétt upphitun því konan skellti sér í ferðalag með pabba gamla á æskuslóðirnar hans. Var hreint yndislegt að fljúga þvert yfir landið -í burtu frá skólaverkefnum og stressi - eyða tíma með fjölskyldunni sem ég sé allt of sjaldan! Afi var ósköp ánægður með að við aðkomufólkið gerðum okkur ferð Austur á afmælinu. Honum var komið á óvart með tveimur harmonikkuleikurum sem tróðu upp í veislunni -allt heppnaðist eins og í sögu og hann var svo glaður ;)
Einsi bró bauð svo allri súpunni í hangikjöt um kvöldið -og annan í hangikjöti á sunnudeginum fyrir flugið heim! Sunnudagurinn var vel nýttur -rúntað í Fljótsdalinn fyrir hádegi og heimsóknir hægri vinstri fram að síðdegismat.
Í stuttu máli: púra qualitytime og gleði!

Bjútí

2007-04-13T19:22:00.000Z

Ég dreif mig í alveg æðislegt "afmælisbrönsj" í dag -mýslan hennar Áslaugar vinkonu er tveggja vikna í dag og hitti mig í fyrsta skipti á hálfsmánaðar afmælinu ;)
Hún var svona líka róleg og vær -leyfði mér að halda á sér og hnoðast með sig alveg heillengi :D
Mæðgurnar hreinlega geisluðu og það var alveg frábær byrjun á deginum að kíkja í kotið til þeirra!

Já, kannski maður dusti rykið..

2007-04-11T20:41:00.000Z

Nú er kominn sá tími sem ég finn mér allt til dundurs ANNAÐ en að sinna skólanum -alveg tilvalið að byrja að blogga aftur OG stofna MySpace. Það hjálpar.
Í sama anda leita ég að tilhlökkunarefnum og það er sko alveg nóg til af þeim -en það sem er mér næst í tíma og rúmi er helgin framundan!

Á föstudaginn eru loksins tónleikar með Pétri, Birni og Jóni sem Beta vinkona var svo góð að redda mér miða á í febrúar. Hef verið að hlusta á eina plötuna þeirra, Writer's Block , af og til síðan þá og fíla bara nokkuð vel.

Enn spenntari er ég samt fyrir laugar- og sunnudeginum því ég flýg að morgni laugardags alla leið austur á Egilsstaði!
Óli afi verður áttræður og nær öll fjölskyldan kemur saman að fagna afmælinu, fimm systkyni pabba og flest þeirra viðhengi. Við pabbi gistum hjá Sigga bró og fljúgum til baka suður á sunnudagseftirmiddag.
Brill brill brill.

Fram að helgi er nú mál at være flittig og vinna fyrir fríinu -ég reyni að minnsta kosti að koma því við, svona inn á milli net-pausanna.

Sótthvííí

2005-09-20T22:30:00.000Z

jú undanfarnir dagar hafa liðið ansi hratt..
Fór í bjór á Sirkus á fimmtudagskvöldið með honum Denis mínum -mjöög gaman að catcha up :) tókst reyndar að hella yfir mig fjórðungsglasi af bjór (kom eitthvað skemmtilegt lag og viðbrögð mín við því voru einhverjar annarlegar handahreyfingar sem enduðu með fyrrgreindum afleiðingum!)
Föstudagsmorgunn gerðist ég sek um skróp í skólanum surprise surprise en mætti so á kvöldvakt seinnipartinn. Í vinnunni tók á móti mér óskemmtileg sjón: "Deildin er í sótthví vegna Noroveirusýkingar.." sem basically þýðir að það var að ganga niðurgangs- og ælupest á deildinni.. Ég slapp nú við að smitast af þessarri líflegu veiru (sem ég til gamans felldi rafsjármynd inn af hér til hliðar) en þetta gerði vinnuna heldur óskemmtilegri þessa helgi en venjulega. En nóg um það.
Hún Embla Margrét bauð okkur nokkrum hnátunum í fjögurra ára afmælið sitt á laugardaginn -þvílíkar kræsingar og gleði sem þar tóku á móti manni -ég sver það, ég rúllaði út þremur tímum síðar, þá búin að troða mig út eins mikið og lífeðlisfræðilega er hægt!! Mjög gott og gaman ;) Auður og Áslaug toppuðu svo þennan annars ágæta laugardag með Trivialspili og rauðvínssmjatti um kvöldið. Virkilega kósí og sjerstaklega gaman fyrir mig því ég vann!! :)
Sunnudagskvöldið fórum við Simmi og Guðni í Kringluna og fengum okkur einn drykk á Kringlukránni áður en við keyptum okkur inn á Kalla og sælgætisgerðina í bíóhúsinu við hliðiná! Og mikil ósköp hvað ég hafði gaman að þessari mynd! Algjör snilld þar sem meistari Depp fór þvílíkt á kostum eins og honum einum er lagið.

HOR

2005-09-14T05:40:00.000Z

Hor hor og aftur hor! Nef mitt er orðið rauðara en á Rúdolf sjálfum -kennir manni að fara ekki berleggjaður á djammið í september og labba svo heim!! Byst við að vera no-show í skólann á morgun þar sem hitaslæðingur ákvað að mæta í pestarteitið í dag EN mar verður að líta á björtu hliðarnar: ekki alltaf sem mar getur sofið út á virkum degi :)
Dagarnir og helgin framundan hljóma nú ekkert sjerlega spennandi verður að viðurkennast þar sem ég stefni fyrst að því að hrista af mér slenið en úbbs! svo á föstudag, laugardag og sunnudag verð ég að vinna.. Þarf samt ekki að vera af hinu slæma, ágætt að halda sér í gírnum ;)

Helgin yfirstaðin..

2005-09-11T19:17:00.000Z

Jú, svona líka ágætis helgarfrí hefur þetta verið.
Hófst á föstudaginn þegar okkur hjúkkulísum var boðið í heimsókn til Hrafnistu í Reykjavík þar sem vel var veitt -matur í mexíkóskum anda og nóg af áfengum drykkjum til að svala þorstanum :) Ég endaði með góðum hópi fólks á Dillon þar sem Andrea tónlistargúrú fór á kostum í lagavali og skífuþeytingum! Við vorum þarna saman Arna, Britta, Simmi, Einar, Ingibjörn, Áslaug og Auður.Voða voða gaman :)

Gærdagurinn var svo framan af bara útsofelsi og sukkmatur en seinnipartinn fórum við Simmi og Guðni í útréttingar og keyptum hreindýrakjöt og allt sem til þurfti í dýrindis máltíð. Gudda, Einar og Addi gæddu sér á kræsingunum með okkur sem voru bornar á borð um tíuleytið. Særós bættist svo í hópinn og þá var spilað Trivial fram að miðnætti, þangað til tapsærindi voru farin að skyggja á spilagleðina -nefni engin nöfn hihi ;)
Ég ákvað að halda mig heimavið þegar fólk hélt niður í bæ, ég kom mér vel fyrir undir sæng og sofnaði út frá Pretty Woman.. nokkuð kósý :)

Náin framtíð..

2005-09-08T08:16:00.000Z

Drukkinn snigill..
Jú, lítur allt saman vel út, franskur vinur minn -Denis- er á leið til klakans! Sje fyrir mér gleðilega endurfundi -og ég veit hann á eftir að krydda djammið í vetur (dans dans og aftur dans!)
Svo er fyrsta vísindaferð vetrarins á föstudaginn, frívín bragðast alltaf best.. lofar góðu:)

PATTY!

2005-09-06T23:06:00.000Z

VÁ! Snilldartónleikar með Patty Smith á Nasa! Kem heim alveg í skýjunum yfir frábæru kvöldi, konan er gegnsósa af svalheitum og meiningum. Við mútta komum alveg með klukkutíma fyrirvara, vorum alveg við sviðið og skemmtum okkur líka svona svakalega vel :)

Fyrsta bloggið

2005-09-06T16:44:00.000Z

Spennandi spennandi, prófa að blogga!

2005-09-06T16:14:00.000Z

sko, þarna er ég, enn að finna út hvernig ég kem inn mynd á þessa síðu. hefst allt á endanum :)